2021 жылғы 24 сәуірде «KEGOC» АҚ Нұр-Сұлтан қаласының жалпы қалалық сенбілігіне қатысты. Ұйымдастырушылардың айтуынша, аталмыш шараның басты мақсаты еліміздің басты қаласында тазалықты сақтау және қала тұрғындарының экологиялық мәдениетін қалыптастыру болып отыр.
Компания қызметкерлері «Нұр-Сұлтан – Қарағанды» тас жолы бойынан бөлінген аумақты қоқыстан тазалады. Барлық жиналған қоқыс арнайы техникамен шығарылатын орынға жиналды.
Сонымен қатар, атқарушы дирекция қызметкерлерінің бір бөлігі «KEGOC» АҚ орталық кеңсесінің айналасын абаттандыру жұмыстарына қатысты.