Отырысқа қатысушылар саланың өзекті мәселелерін, атап айтқанда өңірдегі электр энергетикасы әлеуетін дамыту мүмкіндіктерін, энергетикадағы халықаралық тәжірибе мен ғылыми-технологиялық дамуды басқаруды, майнинг өнеркәсібін электрмен жабдықтау проблемалары мен тәуекелдерін талқылады. Кездесуде дәстүрлі түрде ТМД ЭЭК қызметінің қорытындылары, алдағы күзгі-қысқы кезеңге энергия жүйелерін дайындау барысы және саланы дамытудың басқа да мәселелері айтылды.
ТМД ЭЭК-ге қатысушы мемлекеттермен энергия жүйелерінің қатарлас жұмыс істеуі жағдайында электрмен сенімді жабдықтауды қамтамасыз ету мәселелерінде стратегиялық ынтымақтастықты қолдау Жүйелік оператор- «KEGOC» АҚ үшін маңызды мәселе болып табылады.
ТМД ЭЭК 1992 жылғы 14 ақпанда ТМД электр энергетикасы саласындағы мемлекетаралық қатынастарды үйлестіру туралы үкіметаралық келісіммен құрылды. ТМД ЭЭК құрамына Келісімге қатысушы мемлекеттердің электр энергетикалық ведомстволарының басшылары және ұлттық энергетикалық компаниялардың басшылары кіреді.