Moody's Investors Service (Moody's) рейтингтік агенттігі «KEGOC» АҚ рейтингін болжамды «тұрақтыдан» «позитивтіге» дейін жоғарылатып, «Bаа2» деңгейінде растады

KEGOC рейтингі бойынша позитивті болжам Қазақстанның тәуелсіз рейтингі және «Самұрық-Қазына» АҚ рейтингі бойынша позитивті болжамдарға сәйкес келеді. Бұл Компанияның ағымдағы рейтингтік санаттағы тұрақты жай-күйін көрсетеді.

Рейтингтік әрекет KEGOC-тың өзін-өзі бағалауының жақсарғанын көрсетеді. Компанияның кредиттік бейіні ұлттық электр инфрақұрылымының операторы ретіндегі монополиялық жағдайды ескереді. Бұл бизнестің тұрақтылығына кепілдік береді. KEGOC-тың кредит қабілеттілігі мен өтімділігінің тұрақты көрсеткіштері валюталық тәуекелдер іс жүзінде толық болмаған кезде атап өтілді. Бұл шығындарды толық өтеуді, инвестициялық бағдарламаның икемділігін және тарихи консервативті қаржы саясатын қамтамасыз ететін тарифтерді белгілеудің жеткілікті қолайлы механизміне негізделеді.

Moody's «операциялық қызметтен түскен қаражат (FFO)/таза борыш» көрсеткішімен өлшенетін KEGOC борышын өте жоғары деңгейде қалады деп күтеді – 2023 және 2024 жылдары 55%-дан жоғары.

2023 жылдың 10 айының қорытындысы бойынша KEGOC таза пайдасы 32,7 млрд теңгені құрағанын атап өтеміз. Бұл 2022 жылдың ұқсас кезеңіндегі деңгейден 41,6%-ға жоғары. Бұл көрсеткіш 31,5 млрд теңге мөлшерінде күтілген 2023 жылғы болжамды таза пайда деңгейінен артық.

KEGOC-тың нарықтық позициясының нығаюына және кірісінің артуына әсер еткен факторлардың бірі 2023 жылғы 1 шілдеде күшіне енген нарықтық реформа болып табылады. Бірыңғай сатып алушы және нақты уақыт режиміндегі электр энергиясының теңгерімдеуші нарығының жаңа моделі электр энергиясын жеткізу көлемін арттыруға және нарықты теңгерімдеу бойынша операциялардан болған тарихи шығындарды жоюға мүмкіндік береді.

2023 жылдың бірінші жартыжылдығының қорытындысы бойынша KEGOC акционерлерге 20,2 млрд теңге немесе таза пайданың 87%-ы мөлшерінде дивиденд төледі. Екінші жартыжылдық бойынша 20,2 млрд.теңге мөлшерінде дивиденд төлеу жоспарланып отыр. Осылайша, бір дивиденттің мөлшері жай акцияға есептегенде шамамен 145 теңгені құрайды.