Жобаның мақсаты: Қолданыстағы электр жеткізу желілерін реконструкциялау арқылы Қазақстан ҰЭТ жұмысының сенімділігін арттыру, ресурсты перспективаға кемінде 30 жылға ұзарту.

Жобаны іске асыру мерзімі: 2021-2031жж

Жобаның құны: ҚҚС-ны есепке алғанда 96,62 млрд. теңге.

Жобаны болжамды қаржыландыру: қарыз қаражат (70%), меншік қаражат (30%).

Іске асыру орны: Қазақстан Республикасының аумағы.

Жобаның сипаты ҰЭТ-ты реконструкциялау қажеттілігі келесі себептерге негізделген:

• бірқатар 220-500 кВ ӘЖ-нің нормативті қызмет мерзіміне жетуі және одан асуы;
• тұтынушыларды электрмен жабдықтаудың, электр энергиясының транзитінің, электр станцияларының қуатын берудің сенімділігін арттыру.

«KEGOC» АҚ «Алматы ЖЭТ» (12 220 кВ ӘЖ), «Орталық ЖЭТ» (13 220-500 кВ ӘЖ) және «Оңтүстік ЖЭТ» (19 220-500 кВ ӘЖ) филиалдарының балансындағы жалпы ұзындығы 4332 км асатын «KEGOC» АҚ 44 220-500кВ ӘЖ-сі реконструкциялау объектілері болып табылады.

Ағымдағы дәрежесі: «KEGOC» АҚ Басқармасы ТЭН әзірлеу үшін «Таңдау» сатысына көшуді мақұлдады (2021 жылғы 12 ақпандағы №4 хаттама). «KEGOC» АҚ Директорлар кеңесі алдын ала параметрлерді бекітті және ТЭН әзірлеу үшін «Таңдау» кезеңіне көшу туралы шешім қабылдады (2021 жылғы 19 наурыздағы №3 хаттама).

«Институт Казсельэнергопроект» ЖШС-мен «KEGOC» АҚ «Алматы ЖЭТ», «Орталық ЖЭТ» және «Оңтүстік ЖЭТ» филиалдарының 220-500 кВ ӘЖ-сін реконструкциялау» 14.07.2021 жылғы № 540230/2021/1 шартты жасады.

44 ӘЖ-де толық тексеру жүргізілді. ӘЖ-ні техникалық тексеру нәтижелері бойынша барлық техникалық есептер келісуге ұсынылды. Олардың ішінде:

- 11 ӘЖ-ні техникалық тексеру нәтижелері бойынша техникалық есептер келісілді.

- филиалдарда 33 ӘЖ-ні техникалық тексеру нәтижелері бойынша техникалық есептер қаралуда.

Аяқтаудың жоспарланған мерзімі – 2024 жылғы маусым. Себебі - ТЭН бөлімдерінің тапсыру үшін дайын болмауына байланысты.