Компания тарихы

1997


11 шілде

«Электр желілерін басқару жөніндегі Қазақстан компаниясы» (Kazakhstan Electricity Grid Operating Company) «KEGOC» акционерлік қоғамы «Қазақстан Республикасының энергетикалық жүйесін басқаруды құрылымдық қайта құру жөніндегі кейбір шаралар туралы» Қазақстан Республикасы Үкіметінің 1996 жылғы 28 қыркүйектегі қаулысына сәйкес құрылды.

1998


8 қазан

Ұлттық патенттік ведомствоға Компанияның атауы мен логотипін тіркеуге өтінім берілді.

Жетекші халықаралық рейтингтік агенттіктер компанияның қаржылық жағдайын растады.

25 қараша

ТМД Үкіметтері басшыларының кеңесінің отырысында ТМД-ға мүше мемлекеттердің электр энергетикалық жүйелерінің қатарлас жұмысын қамтамасыз ету туралы шартқа қол қойылды.

1999


7 қаңтар

«KEGOC» АҚ құрылтайшыларының бірі ретінде қатысқан Қазақстан электр энергетикасы қауымдастығы құрылды.

«ҰЭТ-ты жаңғырту, І кезең» жобасын $ 185 млн. АҚШ доллары мөлшеріндегі жалпы сомаға қаржыландыру үшін Халықаралық және Еуропа Қайта құру және Даму банкімен кредиттік келісімге қол қойылды.

2000


Алғаш рет Ресей – Қазақстан – Орталық Азия қатарлас жұмысының электрлік жүйесі қалыптасты.

2003


Қазақстан тарапының бастамасымен Өзбекстан, Қазақстан, Қырғызстан және Тәджікстан ұлттық электр компанияларының қатысумен Орталық Азияның Үйлестіруші Электр энергетикалық кеңесі (ОА ҮЭК) құрылды. 

«KEGOC» АҚ қызметкерлерінің бастамасымен «Энерготехкәсіподағы» Қазақстанның электр энергетикасы саласындағы қызметкерлердің кәсіподағы» қоғамдық ұйымы құрылды.

2004


Қаңтар

«KEGOC» АҚ дәрежесін, құқықтары мен міндеттерін анықтайтын «Электр энергетика туралы» заң қабылданды.

Наурыз

«Қазақстанның Солтүстік-Оңтүстік транзитінің 500 кВ-тық екінші электр жеткізу желісін салу» жобасы аясында ЕҚДБ және ҚДБ-мен 81 млн. АҚШ доллары жалпы сомасына несиелік келісімге қол қойылды.

Маусым

Орталық кеңсе республикамыздың астанасы – Астана қаласына ауыстырылды.

Тамыз

Энергетика және минералды ресурстар министрлігінің бұйрығымен компанияға Қазақстанның Біртұтас энергетикалық жүйесінің Жүйелік операторы функциясы жүктелді.

Директорлар кеңесінің шешімімен «Қазақстан БЭЖ-ін Орталық диспетчерлік басқару (ОДБ) бас филиалы» «Жүйелік оператордың Ұлттық диспетчерлік орталығы» деп өзгертілді.

2005


10 маусым

Астанада Орталық Азия Үйлестіруші Электр энергетикалық Кеңесінің 1-ші отырысы өтті.

Қараша

«Қазақстанның Солтүстік-Оңтүстік транзитінің 500 кВ екінші электр жеткізу желісін салу» жобасы шеңберінде ХҚДБ, ЕҚДБ, ҚДБ-мен 187,8 млн. АҚШ доллары немесе 6 970,1 млн. теңге сомасына несиелік келісімге қол қойылды. 

2006


Ақпан

Қазақстан Республикасы Үкіметінің Қаулысымен мемлекеттік акциялар пакеті «Самұрық» мемлекеттік активтерді басқару жөніндегі Қазақстан холдингі» АҚ орналастырылатын  акцияларын төлеуге берілді.

6 қыркүйек,  Өлке қосалқы станциясы

Мемлекет басшысы Нұрсұлтан Назарбаев «Солтүстік Қазақстан – Ақтөбе облысы» 500 кВ өңіраралық электр жеткізу желісін салуға рұқсат берді. Жоба «Батыс транзит» АҚ мемлекеттік-жеке әріптестік қағидатында жүзеге асырылды, концессионердің акциялар пакетінің 20%-ы «KEGOC» АҚ иелігінде.

22 желтоқсан

ҰДО филиалын Алматы қаласынан еліміздің астанасы Астана қаласына көшіру аяқталды. Диспетчерлік бақылаудың жаңа қалқаны шетелдік қонақтарға, ТМД Электр энергетикалық кеңесі отырысының қатысушыларына таныстырылды.

Ұлттық Электр Торабын жаңғырту жобасын жүзеге асыруға сәйкес, SCADA/EMS жүйесі пайдалануға берілді.

«ҰЭТ жаңғырту, І кезең» жобасы аясында аналогтық байланыс жүйелерін цифрлық байланыс жүйелеріне (АТС, РРЖ, ЖЖ байланыс) көшіру жүзеге асырылды.

2007


«ҰЭТ жаңғырту, 1-кезең» жобасының негізгі құрамдас бөліктері аяқталды.

Біріктіріліген менеджмент жүйесін (БМЖ) енгізу туралы шешім қабылданды.

Компания  жыл сайын сапа менеджменті жүйесі (ISO 9001:2008), экологиялық менеджмент жүйесі (ISO 14001:2004 және кәсіби қауіпсіздік пен еңбекті қорғау менеджменті жүйесі (OHSAS 18001:2007) саласындағы сертификаттауды растайды.

Тәуекелдерді басқарудың корпоративтік жүйесін енгізу қолға алынды.

2008


Электр энергиясының теңгерімдеуші нарығы имитациялық режимде жұмыс істей бастады.

«KEGOC» АҚ мен «Энерготехкәсіподақ» қызметкерлері арасында үшжақты Ұжымдық шартқа қол қойылды.

Маусым

Атырауда Шетелдік инвесторлар кеңесі барысында ЕҚДБ-мен «ҰЭТ-ты жаңғырту, ІІ кезең» жобасын қаржыландыру үшін 255 млн. еуро сомасына кепілсіз қарыз беру туралы кредиттік келісімге қол қойылды.      

22 қазан

500 кВ-тық Шу (Жамбыл облысы) қосалқы станциясында 500 кВ «ОҚМАЭС-Шу» ӘЖ-ні пайдалануға берудің салтанатты рәсімі өтті. «Қазақстанның Солтүстік-Оңтүстік транзитінің 500 кВ екінші электр жеткізу желісін салу» жобасының бірінші кезеңі сәтті аяқталды.  ӘЖ  ЭМРМ-нің  2008 жылғы 03 желтоқсандағы № 298 бұйрығымен бекітілген мемлекеттік қабылдау комиссиясының актісімен пайдалануға қабылданды. 

Желтоқсан

17  желтоқсанда Өлке қосалқы станциясында 500 кВ «Солтүстік Қазақстан – Ақтөбе облысы» ӘЖ кернеуге қосылды.  500 кВ «Жітіқара-Өлке» ӘЖ ЭМРМ 2009 жылғы 31 желтоқсандағы № 359 бұйрығымен бекітілген мемлекеттік қабылдау комиссиясының актісімен пайдалануға берілді.

Жалғыз акционердің шешімімен Корпоративтік басқару кодексі бекітілді.

2009


«Қазақстанның Солтүстік-Оңтүстік транзитінің 500 кВ екінші электр жеткізу желісін салу» жобасы шеңберінде алғаш рет талшықты-оптикалық байланыс желісі ендірілді.

27 мамыр

ҚР премьер-министрі Кәрім Мәсімовтің қатысуымен 500кВ «Ағадыр-ОҚМАЭС» ӘЖ «Қазақстанның Солтүстік-Оңтүстік транзитінің 500 кВ екінші электр жеткізу желісін салу» жобасының үшінші кезеңі пайдалануға берілді. ӘЖ  ЭМРМ-нің 2009 жылғы 10 қыркүйектегі № 243 бұйрығымен бекітілген мемлекеттік қабылдау комиссиясының актісімен пайдалануға қабылданды.

Қыркүйек

17 қыркүйекте 1150 кВ «Екібастұз» ҚС-да мемлекет басшысы Нұрсұлтан Назарбаевтың қатысуымен 500кВ «Екібастұз-Ағадыр» ӘЖ учаскесі салтанатты түрде пайдалануға берілді.  ӘЖ ЭМРМ-нің 2009 жылғы №327 бұйрығымен бекітілген мемлекеттік қабылдау комиссиясының актісімен пайдалануға қабылданды.

Мегажобаның арқасында 1096 км 500кВ әуе желілері салынды – Қазақстанның солтүстігі мен оңтүстігін байланыстыратын энергетикалық көпірдің қуаты екі есеге – 1350 МВт дейін артты.

Қараша

«Мойнақ ГЭС қуатын беру» жобасын іске асыру үшін Халықаралық қайта құру және даму банкімен 48 млн. АҚШ доллары сомасына кредиттік келісімге қол қойылды. 

Желтоқсан

«ҰЭТ-ты жаңғырту» жобасы шеңберінде релелік қорғау және қосалқы станцияларды автоматтандыруды жаңғыртудың соңғы компоненті аяқталды.

2010


Ақпан

Электр энергиясының орталықтандырылған сауда-саттығының электрондық жүйесінде алғашқы мәміле жасалды.

Сәуір

Қазақстан мен Ресейдің энергетикалық жүйелерінің қатарлас жұмысын қамтамасыз ету жөніндегі шарттардың толық пакетіне қол қойылды. БЭЖ ИНТЕР РАО, БЭЖ ФСК, БЭЖ ЖО-мен серіктестік қарым-қатынастың жаңа кезеңі басталды.

«KEGOC» АҚ Директорлар кеңесінің отырысында компанияның 2025 жылға дейінгі ұзақ мерзімді даму стратегиясы бекітілді.

Қараша

Директорлар кеңесінің шешімімен «Энергоинформ» АҚ еншілес кәсіпорыны құрылды.

Желтоқсан

«500, 220кВ желілері Қазақстан ҰЭТ-іне жалғанатын 500/220 кВ Алма ҚС салу» жобасын іске асыру үшін Халықаралық қайта құру және даму банкімен 78 млн. АҚШ доллары сомасына кредиттік келісімге қол қойылды.

«ҰЭТ-ты жаңғырту, І кезең» жобасы шеңберінде жеткізілген РҚА мен МжәнеБЖ (Мониторинг және басқару жүйесі) жаңа микропроцессорлық жабдығын іске қосу аяқталды. РҚА мен МжәнеБЖ жабдықтарын жаңғырту «KEGOC» АҚ 67 қосалқы станциясында орындалды.

2011


Қаңтар

Компания Халық  ІРО жобасына қатысушылардың бірінші эшалонына енді.

Наурыз

«Стэндарт энд Пурс»  агенттігі GAMMA корпоративтік басқару рейтингін GAMMA 5+ рейтингіне дейін көтерді.

Мамыр

220кВ ӘЖ қайта құруға бөлінген 14,8 млн. АҚШ доллары сомасындағы қаражатты,  ЕҚДБ мен ҚДБ алдыңғы қарыздарын қайта қаржыландыруға арналған қалған қаражатты қоса алғанда, ЕҚДБ-мен «220 кВ ОБТҚ-Осакаровка ӘЖ реконструкциялау» жобасы шеңберінде 156 млн. АҚШ доллары сомасына Кредиттік келісімге қол қойылды.

Қазан

«Мойнақ ГЭС қуатын беру» жобасы шеңберінде гидростанцияны Қазақстан БЭЖ-імен және оңтүстік энергия торабының тұтынушыларымен байланыстырып тұратын 220 кВ әуе желілерінің жаңа учаскесі енгізілді.

Қараша

500кВ «Екібастұз-Шүлбі ГЭС-Өскемен» ӘЖ-ні салу жобасы бойынша қоғамдық тыңдаулар өткізілді.
Мемлекет басшысының астаналық энергия торабын күшейту жөніндегі тапсырмасы орындалды. 500кВ ОБТҚ қосалқы станциясында жаңа автотрансформаторды орнату жұмыстары аяқталды – Астананың қуат резерві  25%-ға дейін -  500 МВА дейін артты. 20.10.2011ж. бастап  автотрансформатор кернеуге қосылды.

Желтоқсан

2025 жылға дейінгі инновациялық-технологиялық даму стратегиясы бекітілді. 

«Электр энергетикасы саласын дамытудың 2030 жылға дейінгі шеберлік жоспары» ғылыми-техникалық кеңесте мақұлданды.

2012


Шілде

Мемлекет басшысы KEGOC компаниясының бастамасы бойынша қуат нарығын құруды көздейтін Қазақстан Республикасының заңына қол қойды.

2013


Наурыз

«Сенiм 2012» конкурсының  «Ең үздік жұмыс беруші-ұлттық компания» («Лучшая национальная компания работодатель») 2-дәрежелі дипломы берілді.

Мамыр

«KEGOC» АҚ БҰҰ Ғаламдық шартына қосылды.

Шілде

Кезекті бақылау аудитінің қорытындылары бойынша KEGOC қолданыстағы біріктірілген менеджмент жүйесі (БМЖ) халықаралық стандартқа сай деп танылды.

Қараша

Fitch Ratings агенттігі эмитент дефолтының ұзақ мерзімді рейтингін (ЭДР) «BBB+». Болжам – тұрақты деңгейінде растады.

Желтоқсан

«KEGOC» АҚ ірі кәсіпкерлік субъектілері арасында «Үздік әлеуметтік жауапты кәсіпорын» номинациясында алтын жүлдені иеленіп, Парыз-2013 сыйлығының лауреаты атанды.

Желтоқсан

500 кВ «ОҚМАЭС-Алма» ӘЖ-нің құрылысы мерзімінен бұрын аяқталды.

2014


11 сәуір

«KEGOC» АҚ «Сенiм 2014» конкурсында «Ең үздік жұмыс беруші-ұлттық компания» болып танылды

11 маусым

«KEGOC» АҚ «КӘЖ электр энергетикалық компаниялар үшін: бизнес тиімділігін арттырамыз» атты тұңғыш салалық бірегей бизнес-құралын әзірлеп, баспадан шығарды.

2 шілде

Үкіметтің «Жаңа индустрияландыру: 2014 жылғы І жартыжылдық нәтижелері» ҮИИД Мемлекеттік бағдарламасын іске асыру жұмыстары туралы есебі аясында өткен республикалық телекөпір барысында Қазақстан Республикасының Президенті Н.Ә. Назарбаев ірі ауқымды жоба - «Солтүстік-Шығыс-Оңтүстік транзитінің 500 кВ ӘЖ-ні салу» жобасын бастауға рұқсат етті.

21 мамыр

«KEGOC» АҚ Әкімшілік ғимаратын салу» объектісі бойынша жұмыстар аяқталды.

18 желтоқсан

«Халықтық IPO» бағдарламасы аясында «KEGOC» АҚ жай акциялары қазақстандық қор нарығына жазылым жүргізу арқылы алғаш орналастырылды. «KEGOC» АҚ қазақстандық ұйымдастырылған бағалы қағаздар нарығында орналастырылған акцияларының саны – 25 999 999 дана.

2015


30 сәуір

«KEGOC»АҚ акционерлерінің бірінші жылдық жалпы жиналысы өткізілді, онда «KEGOC» АҚ жылдық қаржылық есебі, таза табысты бөлу тәртібі бекітілді, 2014 жылға «KEGOC» АҚ-ның бір жай акциясына есептегенде төленетін дивиденд мөлшерін бекіту және жай акциялар бойынша дивидендтер төлеу туралы шешімі қабылданды.    

13 мамыр

«KEGOC» АҚ өз қызметінің тиімділігін арттыруға бағытталған KEGOC бизнесін трансформациялау бағдарламасын жүзеге асыру басталғаны туралы хабарлады.

25 мамыр

«KEGOC» АҚ 2014 жылдың қорытындысы бойынша 8 613 800 000 (сегіз миллиард алты жүз он үш миллион сегіз жүз мың) теңге мөлшерінде «KEGOC» АҚ жай акциялары бойынша дивиденд төледі. 

21 қыркүйек

Қазақстан Ұлттық экономика министрлігінің Табиғи монополияларды реттеу және бәсекелестікті қорғау жөніндегі комитеті «Электр желілерін басқару жөніндегі Қазақстан компаниясы» «KEGOC»АҚ-ның 2016-2020 жылдарға арналған шекті тариф деңгейін бекітті.

25 қыркүйек

ТМД қатысушы-мемлекеттердің электр энергетикасы саласы персоналының кәсіби шеберліктері бойынша ХІІ халықаралық жарыс - «KEGOC» АҚ бригадалардың 110 кВ және одан жоғары ӘЖ-ні жөндеу және оған қызмет көрсету бойынша халықаралық жарыстары нәтижесінде жалпы командалық екінші орынға ие болды.

16 қазан

Акционерлердің кезектен тыс жалпы жиналысында «KEGOC» АҚ Акционерлерінің жалпы жиналысы туралы ереже, сонымен қатар «KEGOC» АҚ жаңа редакциядағы Жарғысы, Корпоративтік басқару кодексі, Директорлар кеңесі туралы ережесі бекітілді. 

2016


29 сәуір

«KEGOC» АҚ Акционерлерінің жылдық жалпы жиналысының отырысы өткізілді. «KEGOC» АҚ 2015 жылғы 31 желтоқсанда аяқталған жылғы жылдық қаржылық есебі қаралды және бекітілді. 

Шілде

«KEGOC» АҚ Жоғары кернеулі үлкен электр желілері бойынша халықаралық кеңестің (Conseil International des Grands Réseaux Électriques – CIGRE) ұжымдық мүшесі болды. Электр энергетикасының барлық салаларында жұмыс істеп келе жатқан 1000-нан астам ұйымдар мен 6000-нан астам сарапшылар CIGRE мүшелері болып табылады. 

9 қыркүйек

«KEGOC» АҚ және еңбек ұжымының өкілдері арасында 2016-2020 жылдарға аналған жаңа ұжымдық келісімге қол қойылды.

23 қыркүйек

«KEGOC» АҚ командасы Қазақстанда өткен ТМД-ға қатысушы мемлекеттердің электр энергетикасы саласындағы персоналдың кәсіби шеберлігі ХІІІ халықаралық жарысында - 110 кВ және одан жоғары қосалқы станциялардың жабдықтарын жөндеу және оларға қызмет көрсету бойынша бригадалардың халықаралық жарысында бірінші орынға ие болды.   

28 қазан

«KEGOC» АҚ акционерлерінің кезекті жалпы жиналысы өтті, онда таза табысты бөлу тәртібі бекітілді, жай акциялар бойынша дивидендтер төлеу және 2016 жылдың бірінші жарты жылдығы үшін «KEGOC» АҚ бір жай акциясына есептегенде дивиденд мөлшері туралы шешім, сонымен қатар «KEGOC» АҚ Директорлар кеңесінің сандық құрамын өзгерту туралы және оның құрамын 8 (сегіз) адамнан тұратын етіп белгілеу туралы шешім талқыланды.  «KEGOC» АҚ  Директорлар кеңесіне жалпы алғанда «KEGOC» АҚ Директорлар кеңесіне өкілеттік мерзімі біткенге дейінгі өкілеттік мерзімімен тәуелсіз мүшелер қосымша сайланды. 

17 қараша

Орталық Азияның Үйлестіруші Электр энергетикалық кеңесінің 25-ші мерейтойлық отырысы өтті.  

18 қараша

Компания 2016 жылғы бірінші жартыжылдыққа «KEGOC» АҚ-ның жай акциялары бойынша (KZ1C34930012) 6 481 800 000 (алты миллиард төрт жүз сексен бір миллион сегіз жүз мың) теңге мөлшерінде дивидендтер төленді.

6 желтоқсан

«500 кВ Екібастұз – Шүлбі ГЭС (Семей) – Өскемен ӘЖ салу»  жобасы бойынша нысандар пайдалануға берілді.

12 желтоқсан

«Самұрық-Қазына» АҚ Басқарма төрағасы Өмірзақ Шөкеевтің қатысуымен «KEGOC» АҚ Жаңғырту жөніндегі кеңесінің кеңейтілген отырысы өткізілді, онда KEGOC Бизнесті трансформациялау бағдарламасының 2017 жылға арналған Жол картасы, жобалар портфелі, сонымен қатар «KEGOC» АҚ Бизнесті трансформациялау бағдарламасының 2015-2020 жылдарға арналған болжамды қаржылық көрсеткіштері талқыланды.  

29 желтоқсан

2016 жылғы RAEX (Эксперт РА Казахстан) жылдық есептер конкурсының қорытындылары бойынша «KEGOC» АҚ «Тұрақты даму туралы ең үздік есеп», «Ең үздік интерактивтік есеп» номинацияларында лауреат, ал «Дизайн және полиграфия» номинациясы бойынша номинант атанды.

2017


5 қаңтар

ЕҚДБ-ның «220 кВ ОБТҚ – Осакаровка ӘЖ реконструкциялау» инвестициялық жобасын іске асыруға тартылған 151,9 млн АҚШ доллары мөлшеріндегі қарызы мерзімінен бұрын өтелді.   

26 мамыр

Алматыда «KEGOC» АҚ төрағалығымен өңірлік электр энергетикасы саласында маңызды іс-шара – Орталық Азияның Үйлестіруші Электр энергетикалық Кеңесінің (ОА ҮЭК) 26-шы отырысы өтті.

14 шілде

«KEGOC» АҚ «Астана ЭКСПО-2017» халықаралық көрмесіне және Компанияның 20 жылдығына арналған халықаралық конференция өткізді. 

7 тамыз

Борыштық жүктемені төмендету мақсатында «KEGOC» АҚ 2017 жылғы 7 тамызда «Қазақстан Ұлттық электр торабын жаңғырту. 2-кезең» инвестициялық жобасын іске асыру үшін Еуропалық Қайта құру және даму банкінің 2008 жылы тартылған 228,41 млн. еуро мөлшеріндегі қарызы бойынша 23,8 млн. еуро мөлшерінде 2018 жылғы екі жартыжылдық төлемді өтеді.   

21 қыркүйек

«KEGOC» АҚ командасы «Самұрық-Қазына» АҚ компаниялары тобы арасында өткізілген мемлекеттік тілді білу конкурсында бірінші орынды иеленді.

24-25 қараша

Қарағандыда Қазақстан Республикасының Тәуелсіздік күніне және «KEGOC» АҚ-ның 20-жылдығына арналған «KEGOC» АҚ қызметкерлері арасында спартакиада өткізілді.  

2018


17-20 қыркүйек

«KEGOC» АҚ командасы Белоруссияда, Брест қаласында өткен ТМД-ға қатысушы мемлекеттердің электр энергетикасы саласындағы персоналының кәсіби шеберлігінің XV халықаралық жарысында ІІ орын алды.   

2 қараша

«KEGOC» АҚ орталық кеңсесінде Әзірбайжан, Армения, Беларусия, Қазақстан, Қырғызстан, Молдова, Ресей және Өзбекстан мемлекеттерінің электр энергетикасын басқару бойынша мемлекеттік органдары мен электр энергетикалық компанияларының делегациялары, сонымен қатар ТМД Атқарушы комитетінің, Еуразиялық Экономикалық Комиссияның, «Энергия» ҮДО өкілдерінің қатысуымен ТМД Электр энергетикалық кеңесінің (ТМД ЭЭК) 53-ші отырысы өткізілді.  

29-30 қараша

Рудный қаласында «KEGOC» АҚ қызметкерлері арасында спартакиада өтті. Оның қорытындысы бойынша жалпы командалық бірінші орынды «Сарыбай ЖЭТ» филиалының спортшылары иеленді.   

30 қараша

«KEGOC» АҚ «Самұрық-Қазына» ҰӘҚ» АҚ портфелдік компанияларының ішінде алғашқысы болып Қор және «Атамекен» Ұлттық кәсіпкерлер палатасы арасындағы өзара іс-қимыл туралы келісім шеңберінде отандық тауар өндірушілермен жоғары вольтті жабдықты жеткізу туралы шартқа қол қойды.

11 желтоқсан

500 кВ «Шүлбі ГЭС (Семей) – Ақтоғай – Талдықорған - Алма» ӘЖ жоғары вольтті желілері Мемлекет басшысының қатысумен өткен жалпы ұлттық телекөпір барысында іске қосылды.   

2019


Қаңтар

2019 жылғы 1 қаңтардан бастап Қазақстан Республикасында бұған дейін электр энергиясының бірыңғай нарығын электр энергиясы мен электр қуаты деп екі бөлек сегментке бөліп тұрған жаңа энергетикалық нарық — электр қуаты нарығы іске қосылды.

15-22 сәуір

Қостанайда «KEGOC» АҚ филиалдарының өңірлік диспетчерлік орталықтары жедел-диспетчерлік персоналының кәсіби шеберлігі бойынша дәстүрлі VIII конкурсы өткізілді.

27 сәуір

«KEGOC» АҚ Компания қызметкерлері арасында Дүниежүзілік еңбекті қорғау күніне арналған марафон өткізді.

27 маусым

«KEGOC» АҚ ұжымы, сонымен қатар оның еншілес құрылымдарының қызметкерлері Арыс қаласында болған ТЖ-дан зардап шеккендерге Қала тұрғындарына көмек көрсету жөніндегі арнайы қорға бір күндік жалақы аудару жолымен қолдау көрсетті.

Шілде

«KEGOC» АҚ «Павлодар энергия торабының Қазақстан Біртұтас электр энергетикалық жүйесімен байланысын күшейту» жобасын іске асыруды аяқтады.

Тамыз

«KEGOC» АҚ «ҰЭТ-ты жаңғырту, ІІ кезең» жобасы шеңберінде Түлкібас-тартым ҚС мен Бурное-тартым ҚС арасындағы 220кВ ӘЖ құрылысын сәтті аяқтады.

22 тамыз

«KEGOC» АҚ қызметкерлері жыл сайын өткізілетін «Баланы мектепке жинаймыз» қайырымдылық акциясына қатысты.

15-18 қазан аралығы

«KEGOC» АҚ-да кәсіби шеберлік жарыстары өткізілді. Жарыстардың қорытындылары бойынша  «KEGOC» АҚ «Алматы ЖЭТ» филиалының бригадасы Ұлттық электр торабының әуе желісіне қызмет көрсету бойынша үздік болып танылды. 

2020


6 наурыз

Fitch Ratings агенттігі Электр желілерін басқару жөніндегі Қазақстан компаниясының (KEGOC) шетелдік валютадағы эмитентінің ұзақ мерзімді рейтингін «BBB-» деңгейінде растады. Болжам – тұрақты.

6 мамыр

Ұлы Отан соғысындағы Жеңістің 75 жылдығына және Отан қорғаушылар күніне орай «KEGOC» АҚ қызметкерлері 75 ағаш отырғызды.

28 мамыр

Қазақстан қор биржасында (KASE) жалпы көлемі 9,7 млрд. теңге болатын номиналды құны бойынша жылдық 12% кірістілікпен 9,03 млрд. теңге сомасына «KEGOC» АҚ облигациялары сәтті орналастырылды.

11 маусым

«KEGOC» АҚ 2019 жылдың қорытындылары бойынша дивидендтер төледі. Дивидендтердің жалпы сомасы 12, 7 млрд. теңгені немесе бір жай акцияға есептегенде 48,86 теңгені құрады.

3 қыркүйек

«KEGOC» АҚ бірінші облигациялық бағдарлама шегінде екінші шығарылым облигациялары бойынша үшінші купондық кезең үшін сыйақы төледі (НИН KZP02Y15F289, ISIN KZ2C00003978, KASE негізгі алаңы, «облигациялар» санаты, KEGCb2). Төленген купондық сыйақының жалпы сомасы 4,1 млрд, купондық табысты – жылдық 11,5 %-ды құрады.

7 қыркүйек

«KEGOC» АҚ 5 млн. теңге мөлшерінде авторлық сыйақы төледі. Компания тарихында алғаш рет мұндай сыйақы мөлшерін «Шығыс ЖЭТ» филиалының қызметкерлері А.Запольский, А.Иванов және Е.Тастанбеков алды. Олардың ұтымгерлік ұсынысын өндіріске енгізу Компанияға 51 млн. теңгеден астам мөлшерде экономикалық пайда алуға мүмкіндік берді.

30 қазан

«KEGOC» АҚ 2020 жылдың бірінші жартыжылдығы бойынша «KEGOC» АҚ жай акцияларына дивидендтер төледі. Дивидендтер төлеуге жіберілген қаражаттың жалпы сомасы 20 млрд теңгені немесе бір жай акцияға есептегенде 77,09 теңгені құрады.

11 желтоқсан

Нұр-Сұлтан қаласында «KEGOC» АҚ-ның төрағалығымен Орталық Азия Электр Энергетикалық Үйлестіру Кеңесінің (Кеңес) отырысы өткізілді. 

14 желтоқсан

2022 жылғы 09 желтоқсанда «KEGOC» АҚ екінші облигациялық бағдарламасы шегінде бірінші шығарылым облигациялары бойынша бірінші купондық кезең үшін сыйақы төледі (ISIN KZ2С00006658, KASE негізгі алаңы, «облигациялар» санаты, KEGCb3). Төленген купондық сыйақының жалпы сомасы 533 500 000, 00 (бес жүз отыз үш миллион бес жүз мың) теңге 00 тиынды, купондық табыс - жылдық 11,0 % (он бір) пайызды құрады.

28 желтоқсан

«KEGOC» АҚ және қызметкерлердің өкілдері арасында 2021-2025 жылдарға арналған жаңа ұжымдық шарт жасалды.

2021


27 қаңтар

«Қазақстан қор биржасы» АҚ (KASE) сауда алаңында жалпы көлемі 8,9 млн. дана 8,6 млрд. теңге сомаға жылдық 11,6161% өтеуге орташа алынған табыстылықпен «KEGOC» АҚ облигациялары сәтті орналастырылды.

21 мамыр

Акционерлердің жылдық жалпы жиналысының шешіміне сәйкес «KEGOC» АҚ 2020 жылғы қызметінің қорытындылары бойынша дивидендтер төледі. Дивидендтерді төлеуге 19,5 млрд. теңге немесе бір жай акцияға 75,01 теңге жұмсалды. 

14 қазан

Қазақстан Республикасы Энергетика министрлігінің Атомдық және энергетикалық қадағалау мен бақылау комитеті «KEGOC» АҚ-ға 2021-2022 жылдардағы күзгі-қысқы кезеңдегі жұмысқа әзірлік паспортын берді.

21 қазан

 «Қазақстан қор биржасы» АҚ (KASE) сауда алаңында  жылдық 11,50% өтелетін табыстылықпен жалпы көлемі 16,6 млрд. теңге «KEGOC» АҚ облигациялары сәтті орналастырылды.

19 қараша

«KEGOC» АҚ 2021 жылдың бірінші жартыжылдығының қорытындысы бойынша жай акциялар бойынша дивидендтер төледі. Дивидендтерді төлеуге 22 027 082 239,2 теңге немесе бір жай акцияға 84,72 теңге жұмсалды.

24 қараша

«KEGOC» АҚ Акционерлерінің кезектен тыс жалпы жиналысы өтіп, оның барысында Бақытжан Қажиевтың жеке бастамасы бойынша «KEGOC» АҚ Басқарма төрағасы және Директорлар кеңесінің мүшесі ретіндегі өкілеттігі мерзімінен бұрын тоқтатылды.

«KEGOC» АҚ Акционерлерінің кезектен тыс жалпы жиналысының шешімімен «KEGOC» АҚ Басқарма төрағасы болып Қаныш Молдабаев үш жыл мерзімге тағайындалды, оның «KEGOC» АҚ Директорлар кеңесінің төрағасы ретіндегі өкілеттігі де мерзімінен бұрын тоқтатылды.

15 желтоқсан

«KEGOC» АҚ, «Qazaqstan Project Management Awards-2021» екінші Ұлттық байқауының қорытындысы бойынша Қазақстанның Біртұтас электр энергетикалық жүйесінің режимдерін басқаруды автоматтандыру» жобасымен екінші орынға ие болды.

21 желтоқсан

«KEGOC» АҚ Директорлар кеңесі  «KEGOC» АҚ-ның 2022-2031 жылдарға арналған даму жаңартылған стратегиясын бекітті.

30 желтоқсан

«Жаңартылатын энергия көздерін қолдау жөніндегі қаржы-есеп айырысу орталығы» ЖШС еншілес ұйымы «KEGOC» АҚ-ға тиесілі қатысу үлесінің 100% - ын мемлекеттік меншікке өтеусіз беру арқылы иеліктен шығарылды.

Жедел желі

Кері байланыс