Жобаның мақсаты: Нормативтік қызмет мерзіміне жеткен қолданыстағы электр жеткізу желілерін, сондай-ақ алдағы жылдары қызмет ету мерзімі нормативтіге жететін ӘЖ реконструкциялау арқылы Қазақстан ҰЭТ жұмысының сенімділігін арттыру.
Жобаны іске асыру мерзімі: 2019-2031 жж.
Жобаның құны: ҚҚС-ны есепке алғанда 94,64 млрд. теңге.
Жобаны қаржыландыру: қарыз қаражат (65%), меншік қаражат (35%).
Іске асыру орны: Қазақстан Республикасының аумағы.
Жобаның сипаты: ҰЭТ-ты реконструкциялау қажеттілігі келесі себептерге негізделген:
- бірқатар 220-500 кВ ӘЖ-нің нормативті қызмет мерзіміне жетуі және одан асуы;
- тұтынушыларды электрмен жабдықтаудың, электр энергиясының транзитінің, электр станцияларының қуатын берудің сенімділігін арттыру.
«KEGOC» АҚ «Ақмола ЖЭТ», «Шығыс ЖЭТ», «Солтүстік ЖЭТ» және «Орталық ЖЭТ» филиалдарының балансындағы жалпы ұзындығы 4236 км асатын «KEGOC» АҚ 48 220-500кВ ӘЖ-сі реконструкциялау объектілері болып табылады.
Ағымдағы дәрежесі:
«KEGOC» АҚ 18.07.2019 жылы «RBM Sweсo Productions» ЖШС-мен «KEGOC» АҚ «Ақмола ЖЭТ», «Шығыс ЖЭТ», «Солтүстік ЖЭТ» және «Орталық ЖЭТ» филиалдарының 220-500 кВ ӘЖ-сін реконструкциялау» ІІ кезеңі бойынша ТЭН әзірлеуге шарт жасады.
48 ӘЖ-де толық тексеру жүргізілді. ӘЖ техникалық тексеру нәтижелері бойынша 48 техникалық есеп ұсынылды және келісілді.
Мердігер ұйым ТЭН-нің бөлімдерін әзірлеуді жалғастырып жатыр.
Жоспарланған аяқтау – 2024 жылғы маусым. Себебі: ТЭН бөлімдерінің тапсыру үшін дайын болмауына байланысты.