Жобаның мақсаты: Қазақстанның батыс облыстарының энергия қауіпсіздігі мен энергияға тәуелсіздігін қамтамасыз ету, батыс аймақ тұтынушыларын электрмен жабдықтау сенімділігін арттыру үшін Қазақстан БЭЖ-інің негізгі бөлігімен Батыс аймақты Республика аумағы бойынша біріктіру.
Негіздеме: жоба 2021 жылғы 26 қаңтардағы Қазақстан Республикасы Үкіметінің кеңейтілген отырысында берілген Қазақстан Республикасы Президентінің тапсырмаларын орындау жөніндегі іс-шаралар жоспары мен Жол картасының 2.41.1-тармағы негізінде (кейіннен Қазақстанның біртұтас электр энергетикалық жүйесімен біріктіре отырып, Батыс өңірлер арасындағы транзиттік байланыстарды күшейту схемасын әзірлеу) және ҚР Президентінің «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасын іске асыру жөніндегі іс-қимыл жоспарының 56-тармағына сәйкес бастамашылық жасалды - елдің энергия жүйесін тұйықтайтын электр жеткізу желісінің құрылысын аяқтау.
Жобаны іске асыру мерзімі: 2023-2027жж.
Жобаның құны: ҚҚС-ны есепке алғанда 201,79 млрд. теңге (іске қосу-реттеу жұмыстарына, тарихи-мәдени сараптамаға және т. б. шығыстарды қоса алғанда)
Жобаны қаржыландыру: меншік – 30%, қарыз – 70%
Жобаның сипаты: Жоба Батыс аймақты Республика аумағы бойынша Қазақстан БЭЖ-інің негізгі бөлігімен біріктіруге, Қазақстанның батыс облыстарының энергия қауіпсіздігі мен энергияға тәуелсіздігін қамтамасыз етуге, Батыс аймақтың тұтынушыларын электрмен жабдықтау сенімділігін арттыруға, Солтүстік және Оңтүстік аймақтың электр энергиясы мен қуатының теңгерімсіздігін өтеу үшін Батыс аймақтың маневрлік генерациясын пайдалануға мүмкіндік береді.
Ағымдағы дәрежесі: 2022 жылы жобаның алдын ала ТЭН-ін әзірлеу аяқталды, Батыс Қазақстан энергия жүйесін Қазақстан БЭЖ-імен біріктірудің техникалық және экономикалық негіздемесі айқындалды.
«KEGOC» АҚ ТЭН-нің 1-кезеңін әзірлеу қорытындысы бойынша 500 кВ ӘЖ Қарабатан ҚС – Өлке ҚС салуды көздейтін нұсқаны қабылдады.
Жоба ТЭН-і әзірленді және «Мемсараптама» РМК-ның 12.02.2024 жылғы № 01-0047/24 қорытындысы алдынды.
Корпоративтік рәсімдерге сәйкес жобаны одан әрі іске асыру және келесі кезеңге көшу туралы шешім күтілуде.