Жобаның мақсаты: Өңірдің электр энергиясына өсіп келе жатқан қажеттіліктерін қамту және қосымша объектілерді қосу мүмкіндігі болуы мақсатында 500– 220 кВ электр жеткізу желілері бар қаланың екінші электрмен қуаттау орталығын құру арқылы Астана қаласын электрмен жабдықтау сенімділігін арттыру. 

         Жобаны іске асыру мерзімі: 2024-2029 жж

         Іске асыру орны: Астана қ., Ақмола облысының Аршалы және Целиноград аудандары

         Жобаның сипаты: Астана қаласының тұтынушыларын электрмен жабдықтау кернеуі 110 кВ желілер арқылы «Астана-Энергия» АҚ ЖЭО-1 және ЖЭО-2 қалалық электр станцияларынан жүзеге асырылады.  500/220 кВ Ақмола  ҚС және  220 кВ Батыс, Достық, Шығыс ҚС, 220 кВ әуе желілері бар ЖЭО-2 тірек қосалқы станциялары болып табылады.

Астана қаласының перспективалық жүктемесі (2040 жылға қарай 800 МВт-қа дейін) және жұмыс істеп тұрған 500 кВ Ақмола ҚС-да трансформаторлық қуатты жүктеу (50% - ға дейін) Астана қаласын электрмен жабдықтаудың сенімділігін қамтамасыз етпейді.

Астана қаласын электрмен жабдықтауды күшейту шеңберінде бір  500 кВ ӘЖ-ні 500 кВ «Ақмола» ҚС-ға қоса отырып, «кіру – шығу» әдісімен 220 кВ «Достық – Шығыс»  қос тізбекті ӘЖ-ге кіріктіру арқылы жаңадан жобаланып отырған 500 кВ «Астана» ҚС-ны салу жоспарланып отыр.

         Жоба:

-       Астана қаласының тұтынушыларын электрмен жабдықтау сенімділігін арттыруға;

-       іргелес тораптарға қосыла отырып, Астана ҚС одан әрі кеңейтуді жүзеге асыруға;

-       күн және жел әлеуеті жақсы өңірлерде ЖЭК-ті дамытуға мүмкіндік береді;

Ағымдағы дәрежесі: Жобаның ТЭН-іне «Мемсараптама» РМК-нің оң қорытындысы алынды.