«KEGOC» АҚ-да 2007 жылдан бастап Тредвей комиссиясының демеушілік ұйымдарының комитеті болып табылатын COSO ERM әзірлеген «Ұйымның тәуекелдерін басқару. Интеграцияланған модель» және «Самұрық-Қазына» АҚ талаптары тәуекелдерді басқарудың жалпы қабылданған тұжырымдамалық модельдері негізінде қалыптастырылған тәуекелдерді басқару жүйесі табысты енгізілді және жұмыс істеуде.
Тәуекелдерді басқарудың корпоративтік жүйесі тәуекелдерді уақтылы сәйкестендіруге, оларды бағалауға және «KEGOC» АҚ стратегиялық және операциялық мақсаттарына қол жеткізуге теріс әсер етуі мүмкін тәуекелдерді басқару жөніндегі шараларды әзірлеуге бағытталған корпоративтік басқару жүйесінің негізгі құрамдас бөлігі болып табылады.
Тәуекелдерді басқару жүйесінің негізгі принциптері:
Тәуекел-менеджмент Директорлар кеңесінің, Басқарманың, Ішкі аудит қызметінің, тәуекел иесі құрылымдық бөлімшелердің, тәуекелдерді басқаруға жауапты құрылымдық бөлімшенің қатысуымен жүзеге асырылады.
Қызметкерлердің білімін арттыру мақсатында «KEGOC» АҚ-да компания қызметкерлеріне оқыту материалдарын жіберу арқылы тәуекелдерді басқару және ішкі бақылау қағидаттары мен тәсілдеріне оқыту жүзеге асырылады. Бұдан басқа, жаңадан қабылданған қызметкерлер үшін тәуекелдерді басқарудың қолданыстағы жүйесімен танысу үшін нұсқама жүргізіледі.
2024 жылғы 17 мамырда «Тәуекел-менеджмент және ішкі бақылау» тақырыбында тәуекел-үйлестірушілерге арналған оқыту семинары өткізілді. Бұл семинар тәуекелдерді басқару жүйесінің және ішкі бақылау жүйесінің қағидаттарын, тәуекелдерді сәйкестендіру, тәуекелдерді бағалау және талдау процесін, сондай-ақ тәуекелдерді басқару тәсілдерін және мониторинг қажеттілігін қамтыды. Теориялық бөлімнен басқа, семинарда нақты мысалдар мен сұрақ-жауаптары бар практикалық бөлім болды. Бұл оқытуға «KEGOC» АҚ барлық құрылымдық бөлімшелерінен 35 адам қатысты.
2024 жылғы 26 маусымда Директорлар Кеңесінің мүшелеріне «Климаттық тәуекелдерді басқару» тақырыбында семинар өткізілді. Семинар бағдарламасына Климаттық тәуекелдердің негізгі түсініктері мен түрлерімен танысу, TCFD халықаралық стандартына шолу, климаттық тәуекелдерді басқарудың негізгі элементтері, тәуекелдерді басқару жүйесі (сәйкестендіру, бағалау, басымдық беру, жауап беру), әртүрлі компаниялардағы климаттық тәуекелдерді анықтау мысалдары, климаттық тәуекелдерді анықтау практикумы (сипаттама, салдары, алдын ала бағалау), климаттық тәуекелдерді басқару шаралары кірді.
Жыл сайын тәуекелдерді басқару жүйесі бойынша басшылыққа сәйкес қызметкерлерді тәуекелдерді басқару және ішкі бақылау жүйелерін білуге тестілеу жүргізіледі. Тестілеу қорытындысы бойынша тестілеуден өтпеген қызметкерлер үшін тәуекелдерді басқару және ішкі бақылау жүйелерінің негіздеріне оқыту жүргізіледі.
Тәуекел мәдениетін арттырудағы кері байланыстың ерекше маңыздылығын ескере отырып, компания жыл сайын тәуекелдерді басқару мәдениетінің деңгейін бағалау үшін қызметкерлерге сауалнама жүргізеді, оның нәтижелері тәуекелдерді басқару жүйесін одан әрі жетілдіру үшін пайдаланылады.
