Компанияның қызметкерлерді әлеуметтік қолдау жөніндегі қызметі мынадай ішкі құжаттармен реттеледі:
Жоғарыда аталған саясаттар компанияның барлық қызметкерлеріне, соның ішінде уақытша қабылданған қызметкерлерге және толық емес жұмыс уақытында жұмыс істейтіндерге қолданылады.
Көрсетілген құжаттарға сәйкес «КЕGOC» АҚ қызметкерлеріне әлеуметтік қолдаудың келесі түрлерін көрсету көзделеді:
1) материалдық көмек;
2) өтемдік төлемдері;
3) тұрғын үй мәселелерін шешуге жәрдемдесу.
«КЕGOC» АҚ тиімді жұмыс үшін қолайлы жағдайлар жасау, адалдықты арттыру мақсатында Компания қызметкерлеріне мынадай әлеуметтік қолдау көрсетеді: жыл сайынғы ақылы еңбек демалысын беру кезінде сауықтыру үшін материалдық көмек, баланың тууына байланысты, «КЕGOC» АҚ-да есепте тұрған қызметкердің, қызметкердің отбасы мүшелерінің және зейнеткердің қайтыс болуына байланысты, мүгедектік тобына және жасына қарамастан, қызметкердің және мүгедек балалардың, бала күнінен мүгедектердің медициналық емделуіне ақы төлеу үшін материалдық көмек.
Сонымен қатар «KEGOC» АҚ жүктілікке және босануға, жаңа туған баланы (балаларды) асырап алуға байланысты, табысынан айырылған жағдайда әлеуметтік төлем сомасын шегергендегі орташа жалақысын сақтай отырып, жаңа туған баланы (балаларды) асырап алған қызметкерлерге, жүктілікке және босануға байланысты демалысын Қазақстан Республикасының Міндетті әлеуметтік сақтандыру туралы заңнамасына сәйкес төлейді.
2022 жылы Компания келесі жағдайларда жалақысы сақталатын әлеуметтік демалыстар бере бастады: мерейтойға байланысты некені тіркеу, баланың тууы, жақын туыстарын жерлеу (50, 60 жас); 6 жастан 9 жасқа дейінгі балаларды тәрбиелеп отырған ата-аналарға, бір бала тәрбиелеп отырған ата-аналарға және қамқоршыларға - оқу жылының басталуының бірінші күні; бітіруші сынып оқушыларының ата-аналарына - мектеп «соңғы қоңырау» өткізген күні 1 (бір) күн.
Сондай-ақ орташа жалақысы сақтала отырып, профилактикалық егулерді жүргізу үшін және 18 жасқа дейінгі мүгедек балалары бар ата-аналарға демалыс күндері ұсынылады.
Бұдан басқа, Қазақстан Республикасының Еңбек кодексіне сәйкес Компания қызметкерге бала үш жасқа толғанға дейін оның күтімі жөніндегі жалақысы сақталмайтын демалыс береді: ата-ананың таңдауы бойынша-баланың анасы немесе әкесіне; баланы жалғыз тәрбиелеуші ата-анаға; ата-анасының қамқорлығынсыз қалған баланы іс жүзінде тәрбиелеп отырған басқа туысына не қамқоршысына; жаңа туған баланы (балаларды) асырап алған қызметкерге. Қызметкер бала үш жасқа толғанға дейін бала күтімі бойынша демалысты толық немесе ішінара пайдалана алады. Демалыс уақытында қызметкердің жұмыс орны (лауазымы) сақталады. Бала үш жасқа толғанға дейін демалыс аяқталғанға дейін жұмысқа шыққан жағдайда қызметкер жұмыс берушіге жұмыс басталғанға дейін бір ай бұрын өзінің ниеті туралы ескертеді. Сонымен, 2022 жылы мұндай демалыс Компанияның 73 қызметкеріне (1 ер адам және 72 әйел) берілді. 2022 жылы бала күтімі бойынша демалыстан 29 әйел оралды.
2022 жылы Компания 127,7 млн теңге сомасына тұрғын үйге ақы төлеу бойынша шығыстарды ішінара өтеу арқылы 117 қызметкерге тұрғын үй мәселелерін шешуге жәрдем көрсетті. Сонымен қатар 2022 жылы «KEGOC» АҚ Басқармасының шешімімен Компания үшін сұранысқа ие жоғары білікті кадрларды ұстап қалу және тарту мақсатында қызметкерлерді әлеуметтік қолдауға бағытталған «KEGOC» АҚ Жеңілдетілген кредиттеу бағдарламасы бекітілді. Бүгінгі күні «KEGOC» АҚ Қызметкерлерді әлеуметтік қолдау жөніндегі комиссиясы «КЕGОС» АҚ қызметкерлерінің жеңілдікті ипотекалық қарыз алуға 157 өтінімін қарады. Соның ішінде 45 қызметкер қажетті құжаттарды жинау, тиісті тұрғын үй іздеу және ипотекалық қарыздарды ресімдеу жұмыстарын жүргізіп жатыр. Бағдарламаның талаптарына сәйкес келмейтін жағдайларды қоспағанда, өтінімдері мақұлданбаған жұмыскерлердің өтінімдерін комиссия қаржы ресурстарының босауына қарай қарайтын болады.
Кадрлық әлеуетті арттыру мақсатында «KEGOC» АҚ қызметкерлерге Компания есебінен екінші жоғары білім, магистратура, докторантура және т.б. сияқты ұзақ мерзімді оқу бағдарламалары бойынша оқуға мүмкіндік береді. Мәселен, 2022 жылы 2 қызметкер МВА және 1 қызметкер ЕМВА бағдарламасы бойынша оқыды.
Зейнеткерлік жастағы қызметкерлерге зейнеткерлікке шыққан кезде өтемақы төленеді, сондай-ақ жыл сайын «Энергетик күні» кәсіби мерекесіне компанияның есебінде тұрған зейнеткерлерге, ҰОС ардагерлеріне және оларға теңестірілген адамдарға Жеңіс күніне біржолғы материалдық көмек көрсетіледі.
Осылайша, 2022 жылы Компания қызметкерлерін әлеуметтік қолдауға бағытталған қаражат көлемі 332,7 млн теңгеден асты.
2022 жылы Компания қызметкерлеріне жалақыны, әлеуметтік қолдауды, оқытуды және т.б. қоса алғанда, жалпы шығыстар 31,8 млн. теңгені құрады (2019 жылы – 23,2 млн. теңге, 2020 жылы – 25,2 млн. теңге, 2021 жылы – 26,2 млн. теңге).
