Персоналды дамыту |

«KEGOC» АҚ-да процестің үздіксіздігін қамтамасыз ететін персоналды оқытудың келесі негізгі түрлері қолданылады:

өздігінен оқу (өздігінен білім алу);
өндірісте ұйымдастырылған оқыту (өндірістік-техникалық оқу);
мамандандырылған оқу орындарының біліктілікті арттыру курстарында өндірістен босата отырып, қысқа мерзімді оқыту.

«KEGOC» АҚ қызметкерлерінің қызметін бағалау қорытындысы бойынша жеке даму жоспарлары әзірленеді. Олар келесі жылға арналған оқу жоспарын әзірлеу кезінде ескеріледі.

Персоналды оқыту заманауи оқыту әдістерінің барлық спектрін пайдалана отырып, атап айтқанда бизнес-практикумдар, семинарлар, тренингтер, тағылымдамалар, біліктілікті арттыру, кәсіптік даярлау және қайта даярлау бағдарламалары, форумдар, конференциялар өткізу арқылы жүргізіледі.

Есепті жылы 2 385 қызметкер оқудан өтті. Бұл қызметкерлердің тізімдік санының 54,5%-ын құрайды. «КЕGOC» АҚ-ның 2022 жылы оқуға жұмсаған нақты шығындары 182,5 млн теңгені немесе жоспардың 54,5%-ын құрады. Бұл 2021 жылғы орындаудан 43,4%-ға жоғары.

Оқу сағаттарының жалпы саны 110 534,0 сағатты құрады.

1 қызметкерге есептегенде оқу сағаттарының орташа жылдық саны 27,6 сағатты құрады.

	Ерлер	Әйелдер	ӘБП	ӨП
Оқу сағаттарының жалпы саны	96 938, 5	13 595, 5	14 890	95 644
1 қызметкерге есептегенде оқу сағаттарының орташа саны	27,7	26,9	27,1	27,6

Компанияда «KEGOC» АҚ көшбасшылықты дамытудың 2018-2022 жылдарға арналған бағдарламалары іске асырылды.

1-бағдарлама шеңберінде 1 185 адамға (27%) келесі тақырыптар бойынша оқыту жүргізілді:

«Коучинг дағдылары»;
«Көпшілік алдында сөйлеу дағдылары»;
«Адамдарды басқару»;
«Командалық өзара әрекеттесу»;
«Өзгерістерді басқару (жоба жетекшісі)»;
«Цифрлық басшы»;
«Стратегиялық менеджмент»;
«Digital жаһандық трендтері»;
«Өзгерістерді басқару (демеушінің рөлі)»;
«Құндылықтарды басқару»;
«Стратегиялық менеджмент. CEO-1 арналған қайта жүктеу 2020»;
«Тәлімгерлік»;
«Корпоративтік фасилитатор»;
«Командалық көшбасшылық»;
«Көшбасшылық 4D. Командалық тиімділік».

Бұл бағдарлама келесі дағдыларды дамытуға бағытталған:

көпшілік алдында сөйлеу дағдылары;
цифрлық көшбасшылық;
кроссфункционалды өзара іс-қимыл;
стратегиялық ойлау;
команданы дамыту;
мәдениетті өзгертетін көшбасшылық;
өзгерістерді басқару.

2-бағдарлама шеңберінде 176 адамға (4%) келесі тақырыптар бойынша оқыту жүргізілді:

«Қайшылықты басқару»;
«Бизнес коучинг»;
«Тайм менеджмент»;
«Тиімді келіссөздер»;
«Командалық көшбасшылық».

Бұл бағдарлама келесі мүмкіндіктерді береді:

мүдделер қайшылығы жағдайларын шешу, қайшылық туындаған тараптар арасында делдал ретінде әрекет ету, келіссөздерге қатысу;
болашақта сарапшылар, жаттықтырушылар және тәлімгерлер ретінде коучинг мәдениетін ілгерілету және енгізу үшін оқыту және даму процестеріне белсенді қатысатын компания қызметкерлері арасынан коучинг кәсіпқойлары тобын қалыптастыру және дайындау;
командалық рухты арттыру, ұжымды біріктіру, ұжымнан командаға қадамдар жасау;
уақытты дұрыс басқару;
қарым-қатынас жасау дағдыларын қалыптастыру және қарым-қатынас қиындықтарын жеңу жолдарын табу, қызметкерлердің коммуникативті қабілеттерін арттыру.

Өндірістік персоналдың жас мамандарының кәсіби білім деңгейін, іскерліктері мен дағдыларын арттыру, олардың кәсіби қалыптасуына, өндірістік персоналдың тәжірибелі қызметкерлерінің құзыреттерін сақтауына, корпоративтік мәдениетке бейімдеуге, дәстүрлер мен мінез-құлық қағидаларын меңгеруіне көмек көрсету үшін «KEGOC» АҚ-да тәлімгерлік жүйесі енгізіліп, жұмыс істейді. Компанияда жыл сайын «Жылдың үздік тәлімгері» байқауы өткізіледі.

«KEGOC» АҚ таланттар пулын қалыптастыру бойынша жұмыстар жоспарлы түрде жүзеге асырылуда: 219 адамнан тұратын функционалдық пул және ізбасарлар менеджментінің пулы бекітілді.