«KEGOC» АҚ-ның энергия үнемдеу және энергия тиімділігін арттыру жөніндегі негізгі міндеттері тұтынылатын отын-энергетикалық ресурстардың көлемін азайту, оның ішінде «KEGOC» АҚ объектілерінің өз қажеттіліктеріне энергия ресурстарының шығынын азайту, оны ҰЭТ арқылы жеткізу кезінде электр энергиясының технологиялық шығыстарын азайту, энергия шығындарын бақылау механизмдерін жетілдіру және Компания объектілерін электр энергиясын есепке алу құралдарымен жарақтандыру және басқа да отын-энергетикалық ресурстар, есепке алу аспаптарының деректері негізінде ақпарат жинау процесін ұйымдастыру болып табылады.
2022 жылы отын-энергетикалық ресурстарды тұтыну, ГДж
|
Электр энергиясы |
10 169 639,51 |
|
Жылу энергиясы |
84 842,87 |
|
Жанармай |
120 145,7 |
|
оның ішінде: |
|
|
|
40 918,42 |
|
|
75 481,13 |
|
|
3 237,41 |
|
|
508,78 |
|
БАРЛЫҒЫ |
10 374 628,12 |
2022 жылы отын-энергетикалық ресурстарды тұтыну 2021 жылмен салыстырғанда желіге босату көлемінің азаюына, тиісінше электр энергиясы ысырабы көлемінің азаюына байланысты 788 170,43 ГДж-ға азайды.
2022 жылы меншікті энергия тұтыну 1 мың кВт*сағ. жеткізілген электр энергиясына есептегенде 0,18 ГДж құрады.
|
|
2019 жыл |
2020 жыл |
2021 жыл |
2022 жыл |
|
Электр энергиясын тұтыну |
2 917,43 |
2 796,76 |
3 059,92 |
2 824,90 |
|
оның ішінде ЖЭК-тен |
163,58 |
162,67 |
32,41 |
14,23 |
Энергия тұтынуды азайту тұрғысынан ең үлкен нәтиже электр желілері арқылы жеткізу бойынша электр энергиясының технологиялық шығынын азайту шаралары болып табылады.
Қазақстанның электр энергетикалық жүйесі негізінен Солтүстік аймақта қуатты энергия көздерінің шоғырлануымен және ұзартылған (шамамен 1 000 км) транзиттік электр жеткізу желілерінің болуымен сипатталады (транзиттердің негізгі бағыттары - Қазақстанның Солтүстігі – Оңтүстігі, Павлодар облысы – Ақтөбе облысы) – бұл елдің үлкен аумағымен байланысты және электр энергиясының технологиялық шығынының (техникалық шығындардың) деңгейіне айтарлықтай әсер етеді. «KEGOC» АҚ желісіндегі техникалық шығындар көрші мемлекеттердің энергия жүйелерінің жұмыс режимдеріне (электр энергиясының транзиті, экспорты және импорты) және климаттық жағдайларға да байланысты.
Бұл ретте электр энергиясының техникалық ысырабы электр желілері арқылы электр энергиясын жеткізу кезінде орын алатын сымдар мен электр жабдықтарындағы физикалық процестерге байланысты электр энергиясының ысыраптары екенін есте ұстаған жөн, тиісінше электр желілеріндегі электр энергиясының ысыраптарын азайту жөніндегі іс- шараларды жоспарлау мен өткізудің негізгі мақсаты электр энергиясының техникалық ысыраптарының нақты мәнін олардың оңтайлы деңгейіне жеткізу болып табылады.
Климаттың өзгеруі электр энергиясын беру кезінде артық шығындар қаупіне әкелуі мүмкін. Сондықтан Компания осы тәуекелді митигациялау, сондай-ақ электр энергиясының ысырабын азайту жөніндегі іс-шараларды әзірлеу кезінде «KEGOC» АҚ желісінде климаттық факторларға және электр энергиясының нақты ысыраптарына талдау жүргізеді.
Электр энергиясының ысырабын азайту жөніндегі іс-шараларды іске асыру нәтижесінде 2022 жылы электр энергиясының шығынын төмендету 3,932 млн кВт·сағ құрады.
