Компания нақты нәтижелерге қол жеткізу үшін жұмыскерлердің әлеуетін дамытуға көмектесетін тиімділікті басқару жүйесін жетілдіруде. Компанияның тиімділікті басқару жүйесін дамытудағы негізгі мақсаттары:

• ҚНК-ні корпоративтік бизнес-мақсаттардан әрбір жұмыскерге каскадтау;
• бағалаудың объективтілігі, барлық деңгейдегі басшылар мен жұмыскерлер үшін бағалау нәтижелері бойынша міндетті кері байланыс;
• бағалаудың жүйелілігі және жұмыскерлер қызметінің серпінін бақылаудың тұрақты әдістемесін сақтау, сондай-ақ қажеттілікке қарай қызметті бағалаудың қосымша түрлерін пайдалану.

Жұмыскерлердің тиімділігін бағалау меритократия қағидаттарына негізделген және жүйелі түрде жүргізіледі: тоқсандық және жылдық — есепті жылдағы жұмыскердің қызмет нәтижелері мен құзыреттері (құзыреттер үлгісіне сәйкес) бойынша кешенді бағалау.

2023 жылдың қорытындысы бойынша Компания жұмыскерлерінің 2024 жылы қызметінің кешенді бағалауынан өткен «КЕGОС» АҚ жұмыскерлерінің саны 1 991 жұмыскерді немесе Компанияның тізімдік санының 51%-ын құрады. Соның ішінде: 424 ӘБҚ жұмыскері мен 1 567 ӨҚ жұмыскері.